Tuathanas nan Creutairean
[Animal Farm in Gaelic]
- Regular
- £5.59
- Sale
- £5.59
- Regular
- £5.59
- Unit Price
- per
About the Book:
’S e an nobhail mhairsinneach aig Seòras Orwell, Animal Farm, aon de na 100 nobhailean Beurla as fheàrr a rèir na h-iris Time. A-nise tha tionndadh eireachdail againn bho Aonghas Pàdraig Caimbeul: a’ chiad leabhar le Orwell a chaidh eadar-theangachadh dhan Ghàidhlig.
Anns an sgeul, tha na creutairean a’ fàs seachd searbh dhen obair agus an dìol a tha am maighstir, Maighstir MacIain, a’ dèanamh orra. Tha iad a’ dèanamh aramach agus ga shadail a-mach, agus a’ ruith an àite dhaibh pèin mar co-chomann. Ach ann an ùine bheag tha na ceannardan – na mucan – a’ gabhail thairis agus a’ cleachdadh nan creutairean cumanta mar thràillean. Mar as motha a tha na creutairean dìleas ag obrachadh is ann as reamhra a tha na mucan mòra a’ fàs.
Sgeul mu dheidhinn cumhachd is ana-caitheamh air cumhachd a tha cheart cho buntainneach nar latha fhèin agus a bha e nuair a sgrìobh Orwell e an toiseach anns na 1940an. Is treasa tuath na tighearna, ach dè mas e (cuid dhen) tuath fhèin an tighearna?
Reviews:
About the Author:
Tha Aonghas Pàdraig Caimbeul air iomadach duais a chosnadh mar bhàrd, nobhailiche, neach-naidheachd, craoladair agus cleasaiche. Buinidh e do dh’Uibhist-a-Deas far an deach a thogail gus an do ghluais a theaghlach a-mach gu sgìre an Òbain nuair a bha e 13. Chaidh e dhan Àrd Sgoil an sin, far an robh Iain Crichton Mac a’ Ghobhainn ga theagasg. Cheumnaich e le Àrd Urram ann am Poileataics agus Eachdraidh o Oilthigh Dhùn Èideann, agus tha e air a bhith ag obrachadh anns na meadhanan on uair sin. Ann an 2011 chaidh Crùn na Bàrdachd a thoirt dha. Ann an 2002 choisinn e Duais Chruthachail na h-Alba agus ann an 2008 chaidh ainmeachadh airson BAFTA son an Cleasaiche as fhèarr son na rinn e anns am film Seachd. Chaidh an nobhail Gàidhlig aige, ‘An Oidhche Mus do Sheòl Sinn’ a bhòtadh a-steach leis a’ phoball dhan Phrìomh Dheich anns a’ chlàr airson na 100 leabhraichean a b’ fhèarr a chaidh riamh a dhèanamh an Alba. Sgrìobh Somhairle MacGill-Eain seo mu dheidhinn – “Chan eil teagamh sam bith agam nach e Aonghas Pàdraig Caimbeul fear de na bàird as fhèarr a th’againn ann an Alba, ann an cànan sam bith.”
ANGUS PETER CAMPBELL is a native of the Island of South Uist in the Outer Hebrides and was brought up there and on the Island of Seil in Argyll. He attended Oban High School where his English teacher was Iain Crichton Smith, then graduated with Honours in History and Politics from the University of Edinburgh, under the guidance of the great Marxist teacher Professor Richard Ashcraft from the UCLA who was a Visiting Fellow at the time.
His writing has won many awards over the years, including the premier Bardic Crown from the leading Gaelic organisation, An Comunn Gàidhealach. His Gaelic novel An Oidhche Mus do Sheòl Sinn was voted by the public into the Top Ten of the Best-Ever novels from Scotland. His poetry collection The Greatest Gift was reviewed as a masterpiece by Sorley MacLean, his poetry collection Aibisidh won the Scottish Poetry Book of the Year Award in 2012, and his novel Memory and Straw the Scottish Fiction Book of the Year Award in 2017. The writer, academic and singer Dr Anne Lorne Gillies has described him as ‘an international literary figure alongside the likes of Gabriel Garcia Marquez, Toni Morrison and Laura Esquivel’.
Rugadh Seòras Orwell, no Eric Artair Blair mar a bh’ air, air 25 Ògmhios 1903 ann an taobh sear nan Innseachan, mac searbhanta catharra Ìmpireachd Bhreatainn. Fhuair e foghlam ann an Sasainn, agus nuair a dh’fhàg e sgoil Eton, ghabh e dhan Phoileas Innseanach Ìmpireil ann am Burma, a bha na choileanaidh de Bhreatainn aig an àm. Leig e seachad a dhreuchd ann an 1927 a’ cur roimhe a bhith na sgrìobhadair. Ann an 1928, chaidh e a Pharis ach dh’fhaillich air a bheò-shlaint a chosnadh le sgrìobhadh agus bha aige ri grunn obraichean suarach a ghabhail. Dh’innis e mar a thachair dha an sin na chiad leabhar, Down and Out in Paris and London, a chaidh fhoillseachadh ann an 1933. Ghabh e an t-ainm Seòras Orwell dìreach mus tàinig an leabhar a-mach. Nochd a’ chiad nobhail aige, Burmese Days, ann an 1934. Ged a bha e na anarcach aig deireadh nan 1920an thòisich e a ’ smaoineachadh air fhèin mar shòisealach anns na 30an. Ann an 1936 chaidh fhastadh gus cunntas a sgrìobhadh air bochdainn nam mèinnearan a bha gun chosnadh ann an ceann a tuath Shasainn, a nochd fon ainm The Road to Wigan Pier (1937). Aig deireadh 1936 shiubhail Orwell dhan Spàinn a shabaid air taobh nam Poblachdach an aghaidh Franco agus na Faisistich. Thàinig air teiche le bheatha bho Chomannaich Shòibhiatach a bha a’ gabhail smachd air sòisealaich reubhlaideach eile. Bha e riamh às dèidh sin gu tur an aghaidh luchd-leanmhainn Stàilin.
Eadar 1941 is 1943, bha e ag obair air propaganda airson a’ Bhbc. Ann an 1943, chaidh e na neach-deasachaidh air an iris shòisealaich, Tribune, agus e a-nis trang na neach-naidheachd, a’ foillseachadh artaigealan, lèirmheasan is leabhraichean.
Ann an 1954, nochd Animal Farm, samhla-sgeul poilitigeach stèidhichte air tuathanas ach mu dheidhinn mar a bhrath Stàilin Aramach na Ruis. Choisinn e cliù dha Orwell agus airgead a rinn cinnteach nach biodh e bochd gu bràth tuilleadh. Thàinig Nineteen Eighty-Four, a sgrìobh Orwell air eilean Diùraidh, a-mach an ceann ceithir bliadhna. Bha an sgeul stèidhichte ann an deachdaireachd san àm ri teachd. Thug fiù an tiotal buaidh mhòr air daoine, agus dh’fhàs iomadh abairt bhon leabhar cumanta, leithid ‘Tha am Bràthair Mòr a’ cumail sùil ort’, ‘nuadh-chainnt’ agus ‘smuain dhùbailte’. Ach, mun àm seo bha slàinte Orwell a’ dol am miosad agus bhàsaich e leis a’ chaitheamh air 21 Faoilleach 1950